Philip C. Jessup Beynəlxalq Məhkəmə Müsabiqəsi hər il 100-dən çox ölkədən təxminən 700 hüquq fakültəsinin iştirak etdiyi dünyada ən böyük məhkəmə müsabiqəsidir. Müsabiqə Beynəlxalq Ədalət Məhkəməsində baxılan xəyali iş əsasında aparılır. Bakı Dövlət Universiteti Müsabiqəyə 2000-ci ildə Azərbaycandan qoşulan ilk universitetlərdən olmuşdur.
Aşağıdakı düyməni klikləyərək Beynəlxalq Hüquq Tələbələri Assosiasiyasının rəsmi saytına keçid edib Philip C. Jessup Beynəlxalq Məhkəmə Müsabiqəsi haqqında daha ətraflı məlumat əldə edə bilərsiniz!
2026/2027-ci tədris ilində Bakı Dövlət Universiteti Hüquq fakültəsində bakalavr səviyyəsi üzrə II, III, IV kurs, magistr səviyyəsi üzrə I, II kursda təhsil alan tələbələr seçim mərhələsi üçün qeydiyyatdan keçə bilərlər. Universiteti Müsabiqədə təmsil edəcək komanda maksimum 5 (beş) nəfərdən ibarət olmalıdır.
Müsabiqənin təxmini təqvimi belədir:
BDU komandasının seçimləri iki mərhələdə aparılacaq: 1) şifahi müsahibə və 2) yazıların qiymətləndirilməsi. Qeydiyyatdan keçmiş tələbələrlə ilkin olaraq şifahi müsahibələr keçiriləcək və növbəti mərhələyə keçən tələbələrdən yazı bacarıqlarının qiymətləndirilməsi üçün esselər təqdim etmək xahiş olunacaqdır. İlkin mərhələ olan müsahibələr zamanı iştirakçıların hüquqi arqumentasiya, hüquqi araşdırma və ingilis dili bacarıqları qiymətləndiriləcəkdir. Eyni zamanda müsabiqə prosesi barədə ümumi məlumat və beynəlxalq hüquq barədə fundamental anlayışın olması arzuolunandır. Beynəlxalq hüquqa giriş kimi hazırlanmış bu qısa materialla müsahibəyə hazırlaşa bilərsiniz. Uğurla qeydiyyatdan keçmiş namizədlərə müsahibələrin vaxtı haqqında e-poçt vasitəsilə məlumat veriləcəkdir.
BDU Hüquq fakültəsinin qeydiyyata uyğun tələbələri aşağıdakı anketdən istifadə etməklə qeydiyyatdan keçə bilərlər:
Son tarix: 24 may, 23:59.
– Beynəlxalq publik hüquq sahəsində bilik və ya praktiki təcrübə;
– Akademik və hüquqi ingilis dilini yüksək səviyyədə bilmək;
– İyun – mart ayları arasında həftədə ən azı 8 – 12 saat vaxt ayıra bilmə imkanı.
– Hüquq üzrə yüksək ixtisas dərəcəsi (Magistr və ya daha yüksək, yaxud ona bərabər dərəcə)
– Jessup və ya digər beynəlxalq məhkəmə müsabiqələrində iştirakçı, məşqçi və ya hakim kimi əvvəlki təcrübə;
– Beynəlxalq hüquq firmalarında, BMT qurumlarında, Beynəlxalq Cinayət Məhkəməsində, Avropa İnsan Hüquqları Məhkəməsində və ya digər beynəlxalq qurumlarda praktiki təcrübə;
– Bakı Dövlət Universiteti və ya digər universitetdə hazırkı və ya keçmiş akademik vəzifə (müəllim, doktorant və ya tədqiqatçı kimi);
– Xüsusilə hüquqi memorandumlarda, məhkəmə sənədlərində (brieflərdə) və ya akademik məqalələrdə güclü analitik yazı bacarıqları.
BDU Hüquq fakültəsinin komandası üçün qeydiyyata uyğun məşqçilər buradan qeydiyyatdan keçə bilərlər.